Зеленский: Россия хавфи кенгайиши мумкин

Украина президенти Владимир Зеленский БМТ Бош ассамблеясида Россия Украинада тўхтатилмаса, бошқа мамлакатларга ҳам тажовуз қилиши мумкинлигини айтди.

У иттифоқчиларни бирлашишга ва Украинага кўпроқ ёрдам беришга чақирди. Зеленский янги қуроллар ва дронлар глобал хавф туғдираётганини таъкидлади.

Президент Европани Молдова ва бошқа қўшни давлатларни Россия таъсирига топшириб қўймасликка ундади. Сўнгги пайтда Эстония, Полша ва Руминия Россия дронлари ҳаво ҳудудини бузганини билдирди.

Зеленский АҚШ президенти Доналд Трамп билан учрашувини ижобий баҳолаб, Вашингтон Украинага хавфсизлик кафолатлари беришини айтди. Трамп эса Киев ўз ҳудудларини қайтариб олиши мумкинлигини маълум қилди.

Oqiljon Muhammad

«ЗАМИН.УЗ» муҳаррири