Хитойнинг Ченгду шаҳрида кутилмаган йўл ҳаракати ҳодисаси содир бўлди ва ижтимоий тармоқларда тез тарқалди. Электр скутер ҳайдаб кетаётган йигит мувозанатни йўқотиб, вақтинча ўрнатилган светофорга бориб урилди. Тасодифан унинг боши яшил чироқ ичига кириб қолди.
Ҳолат жойига қутқарувчилар етиб келиб, қарийб 40 дақиқа давомида металл конструкцияни эҳтиёткорлик билан кесишди. Шундан кейин жабрланувчи «озод» қилинди ва касалхонага олиб кетилди. Ҳозирда унинг аҳволи қониқарли экани айтилмоқда.
Шифокорлар таъкидлашича, қалтис ҳолатга қарамай, йигит енгил жароҳат олган. Воқеа ижтимоий тармоқларда кенг муҳокама қилинди. Фойдаланувчиларнинг баъзилари уни яшил чироққа қиёслаган бўлса, бошқалар бунақа бахтсиз ҳодисадан омон қолишни камдан-кам омад деб баҳолаган.
«Замин»ни Telegram’да ўқинг!
