Трамп Зеленский сўраган қурол чекловларини олиб ташлашга ваъда бермади

The Wall Street Journal хабар беришича, АҚШ президенти Дональд Трамп Украина раҳбари Владимир Зеленский билан бўлиб ўтган учрашувда Киевнинг узоқ масофага мўлжалланган қуроллардан фойдаланишига қўйилган чекловларни бекор қилиш имкониятини истисно қилмаган. Бироқ у бу борада аниқ ваъда бермади.

Зеленский учрашувда Трампдан узоқ масофали қуролларни кўпроқ тақдим этиш ва улардан фойдаланишга бўлган чекловларни олиб ташлашни сўраган. Газета манбаларига кўра, Трамп бу ғояга қарши эмаслигини билдирган, аммо ҳеч қандай мажбурият олмаган.

Маълумот учун, Пентагон бу баҳордан бошлаб Украинага берилган ATACMS ракеталари ва бошқа қуроллардан фойдаланишга бир қатор чекловлар жорий этган. Пентагон котиби Пит Хегсет ва унинг ўринбосари Элбриж Колби мазкур чекловларни қайта кўриб чиқиш билан шуғулланмоқда.

Nigina Zarqarayeva

«ЗАМИН.УЗ» муҳаррири