Беларусь президенти Беларусда иккинчи АЭС қуриш таклифини берди
Беларус президенти Александр Лукашенко мамлакатнинг шарқий қисмида иккинчи атом электр стансиясини қуришни таклиф қилди. У янги AES Россия босиб олган Херсон, Запороже, Луганск ва Донецк ҳудудларига электр энергияси етказиб бериши мумкинлигини айтди. Лукашенко “Росатом” лойиҳа учун имкониятларни тайёрлаганини билдирди. Владимир Путин эса таклифни бевосита қўллаб-қувватламай, электр учун ҳақ тўлайдиган истеъмолчи бўлса, муаммо бўлмаслигини таъкидлади.
Беларусь президенти Александр Лукашенко Россия раҳбари Владимир Путин билан учрашувда мамлакатда иккинчи атом электр станцияси қуриш таклифини билдирди. Бу ҳақда Кремль сайтида эълон қилинган учрашув стенограммаси орқали маълум қилинди.
Лукашенкога кўра, янги АЭС шарқий Беларусда қурилиши мумкин. Унинг асосий мақсадларидан бири Россия босиб олган Херсон, Запорожье, Луганск ва Донецк ҳудудларига электр энергияси етказиб беришдир.
Лукашенко “Росатом” лойиҳани амалга ошириш учун имкониятларни тайёрлаб қўйганини айтиб, молиявий жиҳатларни омма олдида муҳокама қилишни истамаслигини билдирди. Путин эса бу таклифни тўғридан-тўғри қўллаб-қувватламасдан, “Агар электрни олиб, керакли тарифни тўлайдиган истеъмолчи бўлса, бу умуман муаммо эмас”, — дея жавоб қайтарди.
Изоҳлар 0
…