Афғонистонда ИШИД ҳаракатлари бутунлай тўхтатилгани маълум қилинди
Абдул Матин Қоний Афғонистонда ИШИД гуруҳига оид барча бузғунчи фаолиятлар тўлиқ бартараф этилганини маълум қилди. Унинг таъкидлашича, хавфсизлик ва махсус хизмат органлари чегара ҳудудларини қатъий назорат қилмоқда. “Толибон” вакили хавфсизлик тизимини мустаҳкамлаш ишлари давом этаётгани ва ортиқча хавотирга асос йўқлигини билдирди.
“Толибон” муваққат ҳукуматининг расмий вакили Абдул Матин Қоний Афғонистондаги хавфсизлик вазияти ҳақида баёнот берди. Унга кўра, мамлакат ҳудудида ИШИД гуруҳига оид барча бузғунчи фаолиятлар тўлиқ равишда бартараф этилган.
Абдул Матин Қоний таъкидлашича, хавфсизлик ва махсус хизмат органлари чегара ҳудудларини қатъий тарзда назоратда ушлаб турибди. Шу сабабдан бу масалада ортиқча хавотирга асос йўқлиги айтиб ўтилди.
“Толибон” вакилига кўра, бугунги кунда Афғонистонда хавфсизлик тизимини мустаҳкамлаш ишлари давом этмоқда ва мамлакат аҳолиси тинч ҳаёт кечириши учун зарур чоралар кўрилмоқда.
Изоҳлар 0
…