АҚШ вице-президенти Жей Ди Вэнс Fox News телеканалига берган интервьюсида Россиянинг сўнгги позицияси ҳақида фикр билдирди. Унинг таъкидлашича, охирги ҳафталарда россияликлар украиналиклар билан икки томонлама, шунингдек, президент Дональд Трамп ёки бошқа америкалик расмийлар иштирокидаги уч томонлама мулоқотларни қабул қилишдан бош тортган.
Вэнснинг сўзларига кўра, россияликлар кўплаб одамларни йўқотмоқда ва ўзи ҳам катта талофат кўрмоқда, аммо бундай қурбонликларни оқлайдиган ҳеч қандай асос йўқ.
«Юзлаб инсонлар ҳаётдан кўз юммоқда, аммо натижа деярли кўринмаяпди. Россия яна қанча аскарларини йўқотишга тайёр? Жуда кичик ютуқлар учун яна қанча қон тўкишлари мумкин?» — деди у.
Вице-президент таъкидлаганидек, АҚШ позицияси ўзгармаган: Вашингтон тинчлик йўлида ҳаракатни давом эттиради ва россияликлар ҳақиқий воқеликни қабул қилади, деган умидда.
“Zamin”ни Telegram'да ўқинг!
