АҚШ президенти Дональд Трамп Украинадаги урушдан аста-секин ўзини четга олаётгани ва шу билан бирга Европа Иттифоқи билан муносабатларда ҳам совуқлик пайдо бўлаётгани маълум қилинди. Бу ҳақда АҚШ Миллий разведка кенгаши раиси ўринбосарининг собиқ ўринбосари Грэм Фуллер маълумот берди, деб хабар бермоқда TASS.
Мутахассиснинг таъкидлашича, Трамп амалда шундай позицияни билдирган: бу — Европа давлатларининг уруши, АҚШ эса фақат қурол-яроғ етказиб беради, холос. “Улар буни яхши англайди. Америка уларни ўз ҳолича қолдирди”, — деди Фуллер.
Унинг сўзларига кўра, президентнинг “Бу сизнинг уруғингиз, болалар, омад тилаймиз” деган сўзлари айнан Европага қаратилган бўлиб, бу иттифоқ етакчилари орасида тушкун кайфиятни кучайтирган.
Шу билан бирга, Фуллернинг фикрича, ҳозирги Европа дунёдаги энг хавфли марказлардан бирига айланган. Сабаби — у кўп ҳолларда ҳарбий можароларни келтириб чиқараётган куч сифатида намоён бўлмоқда. Бу айниқса, ўз империалистик ўтмишидан ҳали халос бўлмаган ва русофобияни сақлаб қолган Буюк Британияга тааллуқли, деди эксперт.
“Zamin”ни Telegram'да ўқинг!
