АҚШ президенти Дональд Трампнинг маълум қилишича, Эрон Ғазо секторидаги зиддиятни бартараф этиш ва тинчлик келишувига эришиш ниятини билдирган.
Трамп бу ҳақда Оқ уйда журналистлар билан бўлган суҳбатда айтиб ўтди. Унинг таъкидлашича, Яқин Шарқдаги кўплаб давлатлар Ғазо бўйича АҚШ томонидан ишлаб чиқилган келишув режасини қўллаб-қувватламоқда.
«Ҳозир ҳамма бу можарони тугатишимизни истаяпти. Илгари бу даражада қўллаб-қувватлаш бўлмаган. Оддий қилиб айтганда, аҳолининг 80 фоизи одатда ҳеч қандай ҳаракат қилишни истамайди, аммо бу сафар вазият бошқача», — деди Трамп.
Президентнинг сўзларига кўра, Вашингтон Эрон томонидан аниқ сигнал олган. «Бизга Теҳрондан жуда равшан ишора келди — улар буни якунлашни хоҳлайди», — дея қўшимча қилди у.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
