Франция президенти Эммануэль Макрон бош вазир тайинлови бўйича сиёсий партиялар билан келишувга эриша олмаса, миллий парламентни тарқатиб юборишга тайёр. Бу ҳақда Le Parisien нашри мамлакат экология вазири Панье-Рюнашега таяниб хабар берди.
Вазирнинг сўзларига кўра, давлат раҳбарининг жуда қаттиқ жаҳли чиққан. Унинг айтишича, Макрон бош вазир лавозимига яна Себастьен Лекорню номзодини кўриб чиқмоқда. Агар бу режа амалга ошмаса, президент парламентни тарқатиш қарорини қабул қилиши мумкин.
«Президентда “Б режа” йўқ. У вазиятдан чиқиш йўлини айнан шу усулда кўряпти», — деди Панье-Рюнаше.
Эслатиб ўтамиз, Лекорню бир ой ҳам фаолият юритмаган ҳолда Франция бош вазири лавозимидан истеъфога чиққан эди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
