АҚШ президенти Доналд Трамп ва Хитой раҳбари Си Цзиньпин Жанубий Кореянинг Бусан шаҳрида учрашув ўтказди. Учрашувда асосий эътибор икки давлат ўртасидаги узоқ давом этаётган савдо урушини юмшатиш ва янги келишувга эришишга қаратилди. Томонлар “ўзаро муаммоларни ҳал этиш бўйича келишувга” эришгани ҳақида маълум қилди.
Трамп аввал Хитой маҳсулотларига 100 фоизлик бож жорий қилишни режалаштирган эди, аммо АҚШ Молия вазири бу чора амалга ошмаслигига умид билдирди. Охирги ойлар давомида икки мамлакат ўртасида божлар, технологиялар ва “ТikTok” иловаси масаласида таранглик кучайган эди.
Мутахассислар фикрича, бу учрашув глобал иқтисодиёт учун муҳим аҳамиятга эга. Музокараларда яримўтказгичлар, ноёб металлар савдоси ва “ТikTok”нинг АҚШдаги фаолияти ҳам муҳокама қилинган. Экспертлар бу учрашув икки давлат ўртасидаги рақобатни камайтиришга туртки бўлиши мумкинлигини айтмоқда.
Шунга қарамай, иқтисодчилар Трамп ва Си ўртасидаги келишув узоқ давом этадиган барқарор тинчликни кафолатламаслигини таъкидлашмоқда. Уларнинг фикрича, АҚШ ва Хитой ўртасидаги рақобат глобал технологик ва савдо соҳаларида яқин йилларда ҳам давом этади.
