Лондонда истиқомат қилувчи 21 ёшли Оливер Арчер ўзи излаб топа олмаган отаси билан кутилмаган ҳолда маҳаллий дўконда учрашиб қолди. Улар бир-бирини йигирма йил давомида кўрмаган эди, деб хабар берди Pravilamag нашри.
Оливернинг сўзларига кўра, у дўконда навбатда турганида орқасидаги киши телефонда туркча гаплашаётганини эшитган ва ҳазиллашиб: “Менинг отам ҳам турк”, — деган. Бу гапдан сўнг эркак исмини айтган ва Оливер отасининг исми билан тўғри келганини англаб, ҳайратга тушган.
Дўкондан чиққач, у эркакдан онасининг исмини сўраганида, у жавоб берган. Шунда Оливер: “Мен сизнинг ўғлингиз бўлишим мумкин”, — деган. Аввал бошда улар ноўрин кулишган, кейин esa дилдан суҳбатни бошлашган. "У менга узр сўрамасликни айтди ва бу содир бўлганидан хурсанд эканлигини тан олди", деб эслайди йигит.
Маълум бўлишича, Оливер ёшлигидан отасини излаб келган — ижтимоий тармоқлар, ДНК тестлари ва онасидаги эски хатлар орқали. Аммо тажрибасизлик туфайли топа олмаган. Энди эса маълум бўлдики, улар бир-биридан ҳамиша бор-йўғи беш дақиқа масофада яшаб келишган.
Ўша учрашувдан бери ота ва ўғил ҳар куни гаплашиб, муносабатларни нолдан бошлашни ният қилишган. Бундан ташқари, Оливер олтита ўгай ака-ука ва опа-сингиллари борлигини ҳам билиб олди.
Йигирма йил фарқига қарамай, йигит ҳеч қандай хафа бўлмаслигини айтди: "Мен иккинчи имкониятга ишонаман. Мен воқеанинг фақат бир томонини эшитганман ва ўтмишда яшашнинг маъноси йўқ". Энг муҳими, бизда ҳозирги замон бор."
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
