23 яшар Айшат Баймурадова Чеченистондан қочиб, эркин ҳаёт умидида Арманистонга келган эди. У оиласидаги назоратдан қочиб, сочини қисқартирди, бош кийимини ечди ва ижтимоий тармоқларда суратлар жойлай бошлади.
Октабр ойида Айшат Ереванда ижарага олинган уйида ўлдирилган ҳолда топилди. У билан бирга бўлган аёл ва эркак тез орада Россияга кетгани кузатилди. Эркак Чеченистон раҳбари Қодировга яқин шахс бўлиши мумкин, деб тахмин қилинмоқда.
Айшат Арманистонга етиб келишдан олдин оиласи томонидан мажбуран турмушга узатилган ва доимий назорат остида бўлган. У янги ҳаёт бошлашни ва оддий эркинликни хоҳларди.
Бу воқеа чечен аёлларининг хавфсизлиги ҳақида хавотирларни оширди. Кўплаб қочқин аёллар жамият тадбирларида қатнашмай, чечен тилида гаплашишдан ҳам эҳтиёт бўлмоқда. Айшатнинг ўлими уларнинг қўрқувини кучайтирди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
