Россия Бойқўнғирдаги шикастлар сабаб одамларни фазога чиқара олмай қолиши мумкин

Бойқўнғир космодромида юз берган жиддий техник носозликлар Россиянинг инсон иштирокидаги парвозларини маълум вақтга тўхтатиб қўйиши мумкин.

Ракета учиришлари бўйича таҳлилчи Георгий Тришкиннинг айтишича, 27 ноябрда “Союз МС-28” космик кемаси старт олганидан сўнг, 31-майдончада жойлашган хизмат кабинаси номаълум сабаб билан ағдарилиб тушган.

Тришкин таъкидлаганидек, Бойқўнғирдаги мазкур майдонча — Россиянинг Халқаро космик станцияга космонавт жўнатиш учун қолган ягона ишлов берадиган старт майдончаси. Унинг фикрига кўра, “Союз” ва “Прогресс” кемаларининг ХКСга парвозлари белгиланмаган муддатга кечикиши эҳтимолдан ҳоли эмас.

Мутахассислар баҳосига кўра, шикастланган инфратузилмани тиклаш икки йилгача давом этиши мумкин. Шу билан бирга, “Роскосмос” майдончадаги камчиликларни яқин орада бартараф этиш режалаштирилганини билдирган.

Charos Zarqarayeva

«ZAMIN.UZ» муҳаррири