Қозоғистонга тухум олиб киришга вақтинча тақиқ қўйилди
Қозоғистонда 12 декабрдан бошлаб учинчи мамлакатлар ва ЕОИИ давлатларидан янги товуқ тухумларини барча транспорт воситалари орқали олиб киришга вақтинча тақиқ жорий этилди. Чеклов бир ой муддатга белгиланган. Тақиқ маҳаллий ишлаб чиқарувчиларни қўллаб-қувватлаш мақсадида киритилган. ЕОИИ аъзоси бўлган мамлакатлар орқали тухумларнинг транзитига чеклов татбиқ этилмаган.
Қозоғистонда учинчи мамлакатлар ва Евроосиё иқтисодий иттифоқи (ЕОИИ) давлатларидан тухум олиб киришга вақтинча чеклов киритилди. Қишлоқ хўжалиги вазирлиги бу ҳақда хабар берди.
Вазирлик томонидан эълон қилинган буйруқка кўра, 12 декабрдан бошлаб, янги товуқ тухумларини мамлакатга олиб кириш учун барча транспорт воситалари орқали тақиқ жорий этилмоқда. Бу чекловлар бир ой муддатга белгилаб қўйилган.
Мазкур тақиқ маҳаллий ишлаб чиқарувчиларни қўллаб-қувватлаш мақсадида жорий этилган. Шунингдек, ЕОИИ аъзоси бўлган мамлакатлар орқали тухумларнинг транзитига чеклов татбиқ этилмаган.
Изоҳлар 0
…