Мессининг ташрифи пайтида ҳиндистонлик мухлислар тартибсизлик уюштирди
Лионель Месси Калкуттадаги “Солт-Лейк” стадионида мухлислар қаршисида бор-йўғи бир неча дақиқа бўлиб, тезда майдонни тарк этди. 100 доллардан кўпроқ пул тўлаган кўплаб мухлислар унинг юзини ҳам яхши кўра олмагани ва қисқа учрашув харажатларни оқламаганидан норози бўлди. Лионель Месси “Интер Маями”даги жамоадошлари Луис Суарес ва Родриго Де Паул билан бирга Ҳайдаробод, Мумбай, Деҳли ва Калкутта шаҳарларига уч кунлик ташриф билан келган эди.
Ҳиндистоннинг машҳур “Солт-Лейк” стадионида Лионель Мессини кўришни орзу қилган минглаб мухлислар ўртасида ҳаяжон нотинчликка айланди. “Times of India” ёзишича, аргентиналик афсона Калкуттадаги майдонга жумҳурларга қўл силкитиш ва қисқа машқ ҳаракатларини бажариш учун чиққан, аммо бор-йўғи бир неча дақиқа ўтиши билан стадионни тарк этган. Шу ҳолат эса кутиш ва интиқлик билан келган мухлислар қалбини ранжитган.
Кўплаб спорт ихлосмандлари чипталар учун 100 доллардан кўпроқ маблағ тўлаган — бу эса кўпчилиги учун бир ойлик маошга тенг. Уларнинг фикрича, бундай қисқа учрашувга бу қадар сарф-харажат қўйиш умуман ўзини оқламаган. VIP меҳмонлар ва амалдорлар Мессини ўраб олгани боис кўп мухлислар унинг юзини ҳам яхшилаб кўра олмаган.
“Месси атиги 10 дақиқа кўринди. Биз ҳеч нарса кўрмадик. Шунча умид, ҳис-туйғу ва пул бекор кетди”, — деб норозилик билдирган мухлислардан бири.
Маълумотларга кўра, Лионель Месси “Интер Майами”даги жамоадошлари Луис Суарес ва Родриго Де Пауль билан бирга Ҳайдаробод, Мумбай, Деҳли ва Калькутта шаҳарларига уч кунлик ташриф билан келган. Унинг Ҳиндистон сафари жамоатчилик томонидан катта қизиқиш билан кутилаётган эди.
Изоҳлар 0
…