АҚШ президенти Дональд Трамп 5 февралга ўтар кечаси Украина президенти Пётр Порошенко билан телефон орқали суҳбатлашди. Бу ҳақда Украина етакчисининг матбуот котиби Святослав Цеголко фейсбукда маълум қилди, деб ёзади Кун.уз нашри.
Унинг айтишича, Порошенко суҳбат бошида Трампни инаугурацияси билан табриклаган ва АҚШнинг янги маъмурияти билан барча даражаларда мулоқотнинг фаоллашишига умид бидирган.
Сиёсатчилар суҳбати бир соатдан кўпроқ давом этган. Етакчилар давлатлар ўртасидаги стратегик ҳамкорликни мустаҳкамлаш, Донбассдаги вазиятни муҳокама қилишган.
"Томонлар Авдеевкада кескинликнинг авж олиши ва гуманитар вазиятнинг ёмонлашувидан чуқур ташвиш билдиришган", деб ёзган Цеголко. Унинг айтишича, сиёсатчилар ўт очишни тўхтатиш тартибини ўрнатиш зарурлиги ҳақидаги фикрга келишган.
Цеголконинг маълум қилишича, Порошенко ва Трамп Украина ва АҚШ ўртасидаги стратегик ҳамкорликни мустаҳкамлаш масаласини ҳам муҳокама қилишган.
Порошенко Трампга "Украина суверенитети ва ҳудудий яхлитлигини қўллаб-қувватлаётгани" учун миннатдорчилик билдирган.
Бундан ташқари, суҳбат чоғида Порошенконинг Вашингтонга ташрифи масаласига ҳам тўхтаб ўтилган. Таъкидланишича, бу ташрифга тайёргарчилик кўриш билан Украина ташқи ишлар вазири Павел Климкин шуғулланади.
Бу суҳбат икки давлат етакчилари ўртасида бўлиб ўтган иккинчи телефон суҳбатидир. Аввалги суҳбат 2016 йил ноябрда бўлиб ўтганди. Ўша суҳбатда Порошенко Трампни сайловдаги ғалаба билан табриклаганди ва Вашингтон томонидан Киевнинг қўллаб-қувватланиши муҳимлигини таъкидлаб ўтганди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Америкалик олимлар барча учун бирдек фойдали жисмоний фаоллик турини аниқлади
Тошкентда 02 кодли авторақамлар тахминан қачон пайдо бўлиши айтилди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Ўзбекистонда ўтган уч ойда қанча автомобиль ишлаб чиқарилган?
Футзал. Осиё Кубоги. Тожикистон Японияни гуруҳда қолдирди
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
