Лионел Мессини яқиндан кўриш орзуси билан қиммат чипта харид қилган мухлиснинг кечаси умуман бошқача якунланди. Унинг айтишича, стадионга киргач, болалигидан бери телевизор орқали кўриб келаётган сиёсатчилардан бошқасини кўрмаган.
Мухлиснинг норозилиги шу қадар кучайганки, у чипта учун сарфлаган пули “зое кетмасин” деган қарорга келган. Натижада у стадион ичидаги гиламлардан бирини олиб, хотиржам ҳолда уйига қайтиб кетган.
Ижтимоий тармоқларда тарқалган бу воқеа қисқа фурсатда ҳазиломуз муҳокамаларга сабаб бўлди. Айримлар буни “мухлис адолати”, бошқалар эса “футбол тарихидаги энг ижодий компенсация” деб аташмоқда.
Қисқаси, Мессини кўраман деб келган мухлис Леони кўрмади, аммо уйига гилам билан қайтди. Ҳаёт шундай: баъзан гол ўрнига сувенир тушади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
