Москва туман прокуратураси ўзларини экстрасенс деб кўрсатиб одамларни алдаб уларнинг пулларини ўзлаштирган товламачилар гуруҳи билан боғлиқ жиноят ишини судга жўнатди. Ўн кишидан иборат гуруҳга ёши 22дан 44гача бўлган Россия, Ўзбекистон ва Украина фуқаролари кирган. Бу ҳақда Россия бош прокуратурасига асосланиб Sof.uz хабар берди.
Терговга кўра, гумондорлар 2014 йил январдан 2015 йил октябргача Ярослав вилоятида "экстрасенс" ва "фолбинлар" гуруҳини ташкил этишган. Мижозларни жалб этиш учун улар ОАВда реклама жойлаштиришган.
Парапсихология, экстрасенсорика ва табиблик хизматлари остида улар махсус сеанслар ёрдамида мижозларнинг барча муаммоларини ҳал қилишга ишонтириб одамларнинг пулларини олишган. Сохта табиблар телефон орқали фуқароларни сеансларга яна келишга ҳамда махсус туморларни сотиб олишга мажбурлашган. Уларнинг сўзларига ишонмаганларни эса ёмон оқибатлар ва ҳаттоки ўлим билан қўрқитишган.
Товламачиларнинг ҳаракатларидан жами 55 киши жабр кўрган. Улар мижозларнинг жами 20 млн рубл пулини олишган.
Гуруҳ 2015 йил октябрда — унинг ташкилотчиларидан бири Владимир Ковальчук ва унинг шериклари оператив тадбир давомида қўлга олинганида фош бўлди. 2016 йил февралда унинг фаолиятига чек қўйилди.
Айни пайтда саккиз айбланувчи қамоқда сақланмоқда, икки нафар айбланувчига эса уй қамоғи жазоси қўлланилмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
