Украинада уруш давом этаётганига қарамай, Nova Post почта компанияси ҳар куни ишламоқда. Ҳаво ҳужумлари ва электр ўчишларига қарамасдан, ходимлар жўнатмаларни қабул қилиш ва етказиб беришни давом эттиряпти. Бу хизмат кўплаб одамлар ва тадбиркорлар учун муҳим бўлиб қолмоқда.
Компания уруш шароитига мослашган. Филиаллар хавфсиз жойларга эга, электр бўлмаганда генераторлар ишлатилади. Интернет узилганда сунъий йўлдош орқали алоқа йўлга қўйилади. Шу сабабли хизматлар деярли тўхтамайди.
Уруш Nova Post учун ҳам йўқотишсиз кечгани йўқ. Баъзи филиаллар зарар кўрди, ходимлар орасида ҳалок бўлганлар бор. Шунга қарамай, компания ишни давом эттириб, минглаб ходимларни иш билан таъминлаб келмоқда.
Бугун Nova Post Украинадан ташқари Европанинг 16 та давлатида ҳам ишламоқда. Компания келгусида хизматларини яна кенгайтиришни режалаштирган. Мутахассислар бу ҳолатни уруш шароитида ҳам барқарор ишлашнинг яққол мисоли сифатида баҳоламоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
