Хитой ҳукумати TikTok иловасининг АҚШдаги фаолияти билан боғлиқ масалада қонунларга мос ва барча томонлар манфаатини ҳисобга олган ечимлар топилишига умид билдирди. Бу ҳақда Хитой Савдо вазирлиги вакили расмий баёнот берди.
Маълум бўлишича, TikTok'нинг эгаси бўлган ByteDance компанияси АҚШдаги фаолиятни бир гуруҳ инвесторларга топшириш бўйича келишув имзолаган. Ушбу қадам иловани АҚШда тақиқлаш эҳтимолини камайтириш ва узоқ давом этган ноаниқликларни бартараф этишга қаратилган.
Хитой томони АҚШни бу жараёнда ҳамкорлик қилишга чақирди. Расмийлар АҚШ Хитой компаниялари учун адолатли, очиқ ва тенг шароит яратиши зарурлигини таъкидлади.
Пекин расмийларига кўра, масалани мулоқот ва келишув орқали ҳал этиш энг тўғри йўл ҳисобланади. Хитой ҳукумати TikTok атрофидаги вазият барқарор ва қонуний асосда ҳал бўлишига умид қилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
