22:44 / 16.02.2017
7 081

Дубайда ёзда учувчисиз учар таксилар ишга туширилади

Дубайда ёзда учувчисиз учар таксилар ишга туширилади

Шу йилнинг июлида Дубайда автопилот билан жиҳозланган ва одам томонидан бошқарилишни талаб қилмайдиган биринчи учар таксилар ишлай бошлайди. Бу ҳақда Жаҳон ҳукумат саммитида амирликнинг йўл ва транспортлар бошқармаси бошлиғи Маттар ал-Тайер маълум қилди, деб ёзади Daryo.

Бир ўринли учивчисиз учар қурилма Хитойнинг EHang компанияси томонидан ишлаб чиқилган. Қурилма 250 кг тош босади, у оғирлиги 100 килограммгача бўлган юкларни таший олади. У 106 киловаттлик саккизта электр моторлар билан таъминланган, улар 14,4 киловатт-соат сиғимли батареялар комплектидан қувват олади.

Заряд 50 километрлик парвоз ёки 23 дақиқага етади. Ўртача тезлик соатига 100 км, максимал тезлик эса — соатига 160 км. Учувчисиз учар қурилмани зарядлашга 2—4 соат вақт кетади.

Қурилма салонига сенсорли экран ўрнатилган, унинг ёрдамида исталган якуний нуқта кўрсатилади. У фақат олдиндан белгиланган йўналиш бўйича уча олади. Учувчисиз қурилмаларнинг фаолияти кеча-ю кундуз махсус тузилган бошқарув маркази томонидан кузатилади ва назорат қилинади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Дубайда ёзда учувчисиз учар таксилар ишга туширилади