Ангела Меркель: “Ислом дини террорнинг манбаси эмас”

Шанба куни Мюнхендаги хавфсизлик бўйича конференцияда қатнашган Германия канцлери Ангела Меркель ислом дини террорнинг манбаси эмаслигини таъкидлади.

Меркель АҚШ президенти Дональд Трампнинг етти мусулмон мамлакат фуқароларига нисбатан иммиграция тақиқини танқид қилди. Германия канцлерининг фикрича, террор гуруҳларига қарши курашиш учун мусулмон мамлакатлар билан ҳамкорликни кучайтириш зарур.

“Бу мамлакатлар биринчи навбатда (террорга қарши курашга) ҳисса қўшишлари лозим. Ана шунда биз одамларни ислом террорнинг манбаси эмаслигига, бу исломни нотўғри тушуниш оқибати эканига ишонитира оламиз”, – деди Меркель.
Шунингдек, Ангела Меркель ИШИД ва унга ўхшаш террор гуруҳларига қарши курашда Россия билан ҳам ҳамкорлик қилиш кераклигини таъкидлади. «Замин»ни Telegram’да ўқинг!