Америка Қўшма Штатлари ҳукуматининг Доналд Трамп даврида Эронга қарши бошланган ҳарбий амалиётларда стратегик аҳамиятга эга қурол-яроғ ва зарурий захиралардан катта миқдорда фойдаланилгани маълум бўлди. Бу ҳақда Financial Times нашри ўз манбасига таяниб хабар берди. Хабарда узоқ масофага учувчи “Tomahawk” ракеталари ҳам алоҳида таъкидланган.
Стратегик ва халқаро таҳлиллар маркази (CSIS) ҳисоб-китобларига кўра, Яқин Шарқдаги урушнинг дастлабки 100 соати мобайнида АҚШ 168 та Tomahawk туркумли ракеталарни ишлатган. Нашрга кўра, бу миқдор «жуда катта» бўлиб, уларнинг захирасини қайта тўлдириш учун бир неча йиллар керак бўлади.
Пентагон эса яқин кунларда Оқ уй ва Конгрессга 50 миллиард доллар миқдорида қўшимча ҳарбий молиялаштириш учун расмий сўров юборишни режалаштирмоқда. Мурувват қилинган маълумотларга кўра, Трамп маъмурияти Эронга қарши урушнинг дастлабки олти кунидаги харажатларни камида 11,3 миллиард долларга баҳолаган.
Шунингдек, Reuters агентлиги 11 март куни Конгрессдаги ёпиқ брифингда ҳам айнан шу рақамлар кўрсатилганини маълум қилди. Бу ҳам АҚШнинг ҳарбий ҳаракатларига сарфланган маблағнинг катталигини очиқ кўрсатади.
Ушбу уруш давомида АҚШ Patriot тизимлари учун ҳам катта миқдорда ракета ишлатган. 9 март куни The New York Times эълон қилдики, Украина Россияга қарши уруш бошидан буён Patriot ракеталаридан 600 га яқинини олган, Америка эса Эронга қарши бир ҳафта мобайнида 800 та ракета ишлатган.
Оқ уй матбуот котиби Кэролайн Ливитт 12 март куни, президент Трамп томонидан белгиланган «мақсадларга эришиш» учун Америка қуролли кучлари зарурий ҳарбий захира ва қурол-яроғга эгалигини таъкидлади.
Шу тариқа, АҚШнинг ҳарбий ҳаракатлари нафақат стратегик мақсадларга, балки минтақа хавфсизлиги ва глобал балансни сақлашга ҳам қаратилган бўлди. Мутаҳассислар эса, бу турдаги катта ҳарбий сарфлар ва захиралар режалаштирилмаган ҳолда тез сарфланиши мамлакатнинг келажакдаги ҳарбий имкониятларига таъсир кўрсатиши мумкинлигини таъкидлашмоқда.
“Zamin”ни Telegram'да ўқинг!
