Исроил зарбаси: Эрон адмирали ҳалок бўлди, бўғозда кескинлик кучайди

1 дақиқа ўқиш649
Исроил зарбаси: Эрон адмирали ҳалок бўлди, бўғозда кескинлик кучайди
ҚисқачаAI ёрдамида тайёрланганКўрсатиш
  • Исроил ҳарбий зарбаси натижасида Ислом инқилоби муҳофизлари корпуси ҳарбий-денгиз кучлари қўмондони, адмирал Алиризо Тангрисий ҳалок бўлди.
  • Исроил мудофаа вазири Исраел Каснинг билдиришича, Тангрисий Ҳўрмуз бўғозини миналаштириш ва халқаро кемалар ҳаракатини чеклаш операциялари учун масъул бўлган.
  • 28 февралдан бери бўғоз ёпилиб, камида 22 та кема зарбага учраган ва Форс кўрфазида 3200 га яқин кема тўпланиб қолган.

Яқин Шарқдаги кескин вазият янада таранглашди. Исроил томонидан амалга оширилган ҳарбий зарба натижасида Ислом инқилоби муҳофизлари корпуси ҳарбий-денгиз кучлари қўмондони, адмирал Алиризо Тангрисий ҳалок бўлди. Бу ҳақда Исроил мудофаа вазири Исраэл Кац расман маълум қилди.

Унинг таъкидлашича, Тангрисий Ҳўрмуз бўғозини миналаштириш ва халқаро кемалар ҳаракатини чеклашга қаратилган операциялар учун бевосита масъул шахс бўлган. Шу сабабли бу амалиёт стратегик мақсадли зарба сифатида баҳоланмоқда.

Исроил ҳарбий манбаларига кўра, юқори лавозимли қўмондон Бандар-Аббос шаҳрида ўтказилаётган махфий йиғилиш пайтида нишонга олинган. Аниқ ва режалаштирилган зарба орқали у ва бир қатор юқори мартабали ҳарбийлар йўқ қилингани айтилмоқда.

Исраэл Кац ушбу операцияни Ислом инқилоби муҳофизлари корпусига йўлланган кескин сигнал сифатида баҳолаб, «Исроил мудофаа армияси ҳар қандай таҳдидни бартараф этади ва душманларни изчил равишда йўқ қилади», дея кескин баёнот берди.

Маълумки, 28 февралдан бошлаб АҚШ ва Исроилнинг Эронга қарши ҳарбий ҳаракатлари ортидан вазият янада чигаллашди. Ҳўрмуз бўғози стратегик йўналиш сифатида ёпилиб, у орқали ҳаракатланмоқчи бўлган кемаларга ҳужумлар бошланган. Можаро бошланганидан буён камида 22 та кема зарбага учрагани қайд этилмоқда.

Ҳозирда Форс кўрфазида 3200 га яқин кема бўғоздан ўтишга журъат қила олмай тўпланиб қолган. Бу эса жаҳон логистикаси ва энергия таъминотига жиддий таъсир кўрсатиши мумкин.

Доналд Трамп маъмурияти Эрондан бўғозни очишни талаб қилган ҳолда ультиматум илгари сурмоқда. Шу билан бирга, Теҳрон расмийлари 25 март куни «душман ҳисобланмаган давлатлар» кемалари учун йўл очиқлигини маълум қилди.

Мутахассислар таъкидлашича, Ҳўрмуз бўғози глобал энергетика хавфсизлигида ҳал қилувчи аҳамиятга эга. Чунки дунёдаги нефть захираларининг қарийб 35 фоизи ва суюлтирилган газнинг 20 фоизи айнан шу йўл орқали ташилади.

Ҳозирги вазият нафақат минтақавий, балки глобал иқтисодий барқарорликка ҳам жиддий таъсир кўрсатиши мумкин. Агар кескинлик янада кучайса, бу бутун жаҳон бозорларида янги инқироз тўлқинини келтириб чиқариши эҳтимолдан холи эмас.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?