Америкалик журналист Итан Левин ўз баёнотида Яқин Шарқдаги вазият кескинлашиб бораётганини таъкидлади.
Унинг ёзишича, “Ҳизбуллоҳ” томонидан Исроил армиясига қарши кучли зарбалар берилган. Хусусан, бир кун ичида 19 та танк йўқ қилингани маълум қилинмоқда. Журналист ҳисоб-китобларига кўра, ушбу йўқотишлар қиймати тахминан 95 миллион долларни ташкил этган.
Ҳизбуллоҳ томонидан амалга оширилган ушбу ҳужумлар Исроил ҳарбий кучларига жиддий зарар етказгани айтилмоқда. Шу билан бирга, журналист Исроил армиясини танқид қилиб, уни “қоғоз йўлбарс”га қиёслаган.
Шунингдек, Ливан ҳудудидаги тўқнашувлар давомида Исроил ҳарбий хизматчиси ҳалок бўлгани хабар қилинди. Исроил Мудофаа Армияси (ЦАХАЛ) маълумотига кўра, ҳалок бўлган аскар 21 ёшли штаб-сержант Ори Гринберг экани аниқланган.
Минтақадаги бу каби тўқнашувлар вазиятни янада мураккаблаштириб, ҳарбий кескинликни оширмоқда. Мутахассислар эса яқин кунларда можаронинг янада кучайиши эҳтимолини истисно этмаяпти.
“Zamin”ни Telegram'да ўқинг!
