Қирғизистон ўз фуқароси Петербургдаги портлаш ижрочиси сифатида гумонланаётганига изоҳ бермади

  • 04 апрель 2017, 10:27
  • 4 507
  • Дунё
  • Қирғизистон ўз фуқароси Петербургдаги портлаш ижрочиси сифатида гумонланаётганига изоҳ бермади
    Қирғизистон махсус хизматлари ҳозирча Петербургдаги портлаш қирғизистонлик томонидан содир этилгани тахмин қилинаётган хабарларга эътибор қаратмаяпти.

    «Ҳозирча теракт ижрочиси Россия паспортига эга бўлган Қирғизистон фуқароси экани ҳақида тарқалган хабарларга ҳеч қандай изоҳ берилмайди», - дея жавоб берган республика махсус хизматлар вакили Интерфакс мухбирига.

    Ўз навбатида Қирғизистоннинг Москвадаги элчихонаси дастлабки маълумотларга кўра, Петербургдаги портлаш оқибатида қурбон бўлган ва жабрланганлар орасида республика фуқароси йўқлигини маълум қилган, деб ёзади Кун.уз.

    3 апрель куни Санкт-Петербург метросида теракт юз берди: «Сенная плошчад» ва «Технологический институт» бекатлари оралиғида қўлбола портловчи ускуна ҳаракатга келди. Портлаш оқибатида 10 киши ҳалок бўлди, 40 дан ортиқ одам жабрланди. Бундан ташқари, «Плошчад Восстания» бекатида яна бир бомба топилиб, зарарсизлантирилди. Ҳозирча ҳеч бир ташкилот мазкур теракт учун жавобгарликни ўз зиммасига олгани йўқ.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Қирғизистон ўз фуқароси Петербургдаги портлаш ижрочиси сифатида гумонланаётганига изоҳ бермади