Эрон АҚШ билан музокараларни кескин тўхтатди
Эрон Покистонда АҚШ билан 22 апрель куни бўлиб ўтиши режалаштирилган музокаралардан бош тортди. Теҳрон бу қарорни АҚШнинг Ливандаги вазият юзасидан берган ваъдаларини бажармагани ва денгиз блокадасининг сақланиб қолаётгани билан изоҳлади. Эрон томони ҳозирги шароитда музокараларни давом эттириш самарасиз ва вақт йўқотиш деб ҳисобламоқда.
Эрон 22 апрель куни Покистонда АҚШ билан ўтказилиши режалаштирилган музокараларда қатнашмасликка қарор қилди. Бу ҳақда Tasnim агентлиги маълум қилди.
Маълумотларга кўра, Эрон делегацияси воситачилар орқали Америка томонини Исломободга келмаслик ҳақида огоҳлантирган. Теҳрон ҳозирги вазиятда музокараларни давом эттиришни мақсадга мувофиқ эмас деб ҳисобламоқда.
Эрон томони бу қарорни АҚШнинг айрим мажбуриятларни бажармагани билан изоҳлаган. Хусусан, Вашингтон Ливандаги вазият бўйича берган ваъдаларига амал қилмагани таъкидланган.
Шунингдек, дастлабки босқичда юқори талаблар қўйилгани ва Эрон томонидан айрим қадамлар ташланганига қарамай, денгиз блокадаси сақланиб қолаётгани ҳам эътироз сифатида келтирилган.
Теҳрон вакиллари бундай шароитда музокараларни давом эттиришни самарасиз деб баҳолаб, уни вақт йўқотиш сифатида кўраётганини билдирган.
Изоҳлар 0
…