Эквадор сайлов кенгаши Ленин Морено президентлик сайловида ғалаба қозонганини эълон қилди

Эквадор миллий сайлов кенгаши раҳбари Хуан Пабло Посо мамлакатда бўлиб ўтган президентлик сайловининг якуний натижаларини маълум қилди. Бу ҳақда «Коммерсантъ»га асосланиб "Дарё.уз" хабар бермоқда.

Посога кўра, сайловнинг иккинчи босқичида «Мамлакат альянси» сўл блокидан номзод, собиқ вице-президент Ленин Морено ғолиб чиқди.

Морено сайловчиларнинг 51,16 фоизи, мухолифатдаги CREО ҳаракати вакили Гильермо Лассо эса 48,84 фоиз овозини тўплади.

Дастлабки натижалар эълон қилинганидан сўнг мамлакатнинг Кито, Эсмеральдас, Ибарре ва Асогес минтақаларида тартибсизликлар бошланди. Гильермо Лассо расмийларни сайлов натижаларини сохталаштиришда айблади. «Замин»ни Telegram’да ўқинг!