Хитойлик 14 ёшли ўқувчи уйда реактив двигател яратди
Хитойлик 14 ёшли ўсмир Че Цзиньган уй шароитида мустақил равишда ҳақиқий авиация двигателини ясаб, кўпчиликни ҳайратда қолдирди. Ёш ихтирочи тайёр чизмалардан фойдаланмай, саккиз ой давомида мураккаб муҳандислик ҳисоб-китоблари ва 3D моделлаштириш асосида лойиҳа устида иш олиб борди. Дастлабки синов муваффақиятсиз якунланган бўлса-да, ўсмир орттирилган тажрибага таяниб, қурилманинг такомиллаштирилган вариантини яратишда давом этмоқда. Ушбу лойиҳа учун қарийб 9 минг юан маблағ сарфланган бўлиб, у ёш авлоднинг илм-фанга бўлган юксак қизиқишини намойиш этди.
Хитойда 14 ёшли ўсмир Че Цзиньган уй шароитида ҳақиқий авиация двигателини йиғиб, кўпчиликни ҳайратда қолдирди. Бу ҳақда Oddity Central нашри хабар берди.
Маълум қилинишича, у авиацияга қизиқишни болалигидан — қоғоз самолётлар ясаш орқали бошлаган. Кейинчалик бу қизиқиш илмий изланишларга айланиб, ўсмир аэродинамика ва муҳандислик йўналишларини мустақил равишда чуқур ўрганишга киришган.
Че Цзиньган тайёр чизмалардан фойдаланмай, лойиҳа устида бошидан иш олиб борган. У деталларни ўзи лойиҳалаб, 2Д ва 3D моделлар яратган, шунингдек, ҳаво оқими ва босим каби мураккаб ҳисоб-китобларни амалга оширган.
Двигател устидаги ишлар қарийб 8 ой давом этган бўлиб, лойиҳа учун 8–9 минг юан атрофида маблағ сарфланган. Дастлабки синов муваффақиятсиз якунланганига қарамай, ўсмир изланишни тўхтатмаган.
Ҳозирда у двигателнинг такомиллаштирилган вариантини яратиш устида ишламоқда. Унинг таъкидлашича, муваффақиятсизлик тажриба орттиришнинг муҳим қисми бўлиб, янада катта мақсадларга ундайди.
Изоҳлар 0
…