Болгарияда сайловларда Радев коалицияси мутлақ ғалаба қозонди
Болгарияда ўтказилган муддатидан олдин парламент сайловларида Румен Радев бошчилигидаги «Прогрессив Болгария» коалицияси 44,7 фоиз овоз билан мутлақ ғалаба қозонди. Мазкур сиёсий куч парламентдаги 240 та ўриндан 131 тасини қўлга киритиб, ҳукуматни шакллантириш учун етарли кўпчиликни таъминлади. Сайлов натижаларига кўра жами бешта партия парламентга кирган бўлса, Радев бу натижани мамлакатдаги эркинлик ва умиднинг тантанаси деб баҳолади. Янги парламентнинг тўлиқ таркиби 25 апрель куни расман эълон қилиниши кутилмоқда.
Болгарияда муддатидан олдин ўтказилган парламент сайловларида собиқ президент Румен Радев етакчилигидаги "Прогрессив Болгария" коалицияси ғалаба қозонди.
Марказий сайлов комиссияси маълумотларига кўра, мазкур коалиция учун сайловчиларнинг қарийб 44,7 фоизи овоз берган. Бу тахминан 1,44 миллион сайловчини ташкил этади.
Сайлов натижаларига кўра, мамлакат парламентига жами бешта сиёсий куч кирган. 240 ўриндан 131 таси "Прогрессив Болгария» коалициясига насиб этиб, у мутлақ кўпчиликни таъминлади.
Қолган ўринлар бир нечта партиялар ўртасида тақсимланган. Жумладан, ГЕРБ партияси 39 та, "Ўзгаришларни давом эттирамиз — Демократик Болгария" блоки 38 та мандатни қўлга киритган.
Шунингдек, "Ҳуқуқ ва эркинликлар ҳаракати" ҳамда "Тикланиш" партиялари ҳам парламентда ўз ўринларига эга бўлган.
Румен Радев ушбу натижани "умиднинг ишончсизлик устидан, эркинликнинг қўрқув устидан қозонилган ғалабаси" сифатида баҳолади.
Парламентнинг тўлиқ таркиби 25 апрель куни расман эълон қилиниши кутилмоқда.
Изоҳлар 0
…