Трампнинг “Олтин картаси” дастури кутилган натижани бермади
АҚШда жорий этилган “Олтин карта” дастури кутилган натижани бермади ва унга бўлган талаб жуда паст бўлиб чиқди. Расмий маълумотларга кўра, ҳозиргача фақат бир нафар шахс ушбу виза орқали мамлакатда яшаш ва ишлаш ҳуқуқини қўлга киритган. Бу кўрсаткич Дональд Трампнинг миллиардлаб долларлик сотувлар ҳақидаги аввалги баёнотларига кескин зид келади. Мазкур дастур жисмоний шахсларга 1 миллион доллар эвазига тезлаштирилган резидентлик мақомини олиш имконини бериши керак эди.
АҚШда жорий этилган “Олтин карта” дастури кутилган даражада талабга эга бўлмагани маълум бўлди.
Associated Press агентлиги хабарига кўра, мазкур виза орқали ҳозиргача фақат бир нафар шахс АҚШда яшаш ва ишлаш ҳуқуқини қўлга киритган.
Бу маълумот АҚШ савдо вазири Ховард Латникка таяниб берилган бўлиб, у аввалги баёнотлар билан кескин фарқ қилади.
Чунки президент Дональд Трамп аввалроқ бир неча кун ичида 1,3 миллиард долларлик “Олтин карталар” сотилганини айтган эди.
Ушбу дастурга кўра, жисмоний шахслар 1 миллион доллар тўлаш орқали тезлаштирилган резидентлик ҳуқуқини олиши мумкин.
Шунингдек, компаниялар ўз ходимларини олиб келиш учун 2 миллион доллар ва қўшимча тўловларни амалга ошириши талаб этилади.
Изоҳлар 0
…