АҚШ ўлим жазосига қўйилган чеклов бекор қилинганини расман эълон қилди
АҚШ Адлия вазирлиги федерал даражада ўлим жазосига қўйилган мораторий бекор қилинганини ва энг оғир жиноятлар учун ушбу жазо тури қайта тикланганини эълон қилди. Янги тартибга кўра, қатл қилишда нафақат анъанавий ўлим инъекциясидан, балки қўшимча равишда отиш усулидан ҳам фойдаланиш кўзда тутилган. Мазкур қарор Дональд Трампнинг 2025 йил январдаги фармони ижросини таъминлашга қаратилган бўлиб, эндиликда маҳкумларга нисбатан чиқарилган ҳукмларни ижро этиш жараёнлари тезлаштирилади.
АҚШ Адлия вазирлиги федерал даражада ўлим жазосига қўйилган чеклов бекор қилинганини расман эълон қилди.
Маълум қилинишича, Жо Байден даврида жорий этилган мораторий тугатилиб, энди энг оғир жиноятлар учун ушбу жазо туридан фаолроқ фойдаланиш режалаштирилмоқда.
Янги тартибга кўра, аввал қўлланилган ўлим инъекцияси протоколи қайта жорий этилади. Шу билан бирга, қўшимча жазо усули сифатида отиш орқали қатл қилиш ҳам киритилмоқда.
Адлия вазирлиги вакиллари қонун доирасида чиқарилган ўлим ҳукмларини ижро этиш мажбурияти тикланганини таъкидлади.
Энди барча апелляция ва шикоят босқичларидан ўтган маҳкумлар бўйича қатл жараёнларини амалга ошириш имконияти пайдо бўлади.
Шунингдек, ишларни кўриб чиқишни тезлаштириш учун ички тартиблар ҳам такомиллаштирилиши айтилмоқда.
Маълумот учун, 2025 йил январ ойида Дональд Трамп федерал даражада ўлим жазосини қайта тиклаш ҳақида фармон имзолаган эди.
Изоҳлар 0
…