Трамп иштирокидаги тадбирда отишма уюштирган гумонланувчи шахс қўлга олинди
АҚШ президенти иштирокидаги тадбирда отишма содир этган 31 ёшли Коуэл Аллен қўлга олинди. Гумонланувчи Оқ уй маъмурияти аъзоларига ҳужум қилишни режалаштирганини тан олган ва тадбирга қуролланган ҳолда кирган. Унинг ёнидан тўппонча ва пичоқлар топилган бўлиб, у меҳмонхона киришида бир неча бор ўқ узган. Ҳуқуқни муҳофаза қилувчи органларнинг маълумотига кўра, ҳужумчи якка тартибда ҳаракат қилган.
АҚШ президенти иштирок этган тадбирда содир бўлган отишма ҳолатидан сўнг гумонланувчи шахс қўлга олинди.
CBS News маълумотига кўра, 31 ёшли Коуэл Аллен тергов давомида Оқ уй маъмурияти аъзоларига қарши ҳужум уюштиришни режалаштирганини тан олган.
Бироқ у президентга тўғридан-тўғри ўқ узиш нияти бўлган-бўлмагани ҳақида аниқ маълумот берилмаган.
Маълум қилинишича, у Вашингтондаги Washington Hilton меҳмонхонасида ўтказилган тадбир иштирокчиси сифатида кирган.
Ҳуқуқни муҳофаза қилувчи органлар маълумотига кўра, гумонланувчи қўлида тўппонча ва бир нечта пичоқ бўлган.
У якка тарзда ҳаракат қилган ва тадбир ўтказилаётган зал киришида бир неча марта ўқ узгани қайд этилмоқда.
Изоҳлар 0
…