Тайван Хитой санкцияларини аҳамиятсиз деб баҳолади
Тайван мудофаа вазири Веллингтон Ку Хитойнинг Европа қурол ишлаб чиқарувчиларига нисбатан жорий этган санкциялари мамлакат мудофаа салоҳиятига жиддий таъсир кўрсатмаслигини маълум қилди. Пекин оролга қурол етказиб берган еттита Европа компаниясига, жумладан Чехия корхоналарига нисбатан икки мақсадли товарлар экспортини тақиқловчи чекловлар ўрнатган эди. Вазирнинг таъкидлашича, Тайбэй қурол-яроғ харидини турли манбалар орқали давом эттиради ва бундай босимларни аввал ҳам бошдан кечирган. Ҳозирда Тайван асосий ҳарбий техникани АҚШдан сотиб олса-да, Марказий ва Шарқий Европа давлатлари билан ҳам ҳамкорликни изчил кенгайтириб бормоқда.
Тайван Хитой томонидан Европа қурол ишлаб чиқарувчиларига нисбатан жорий этилган санкцияларни аҳамиятсиз деб баҳолади.
Мамлакат мудофаа вазири Веллингтон Ку бу чоралар Тайбэйнинг мудофаа салоҳиятига жиддий таъсир кўрсатмаслигини таъкидлади.
Маълум қилинишича, Пекин оролга қурол етказиб берган Европа компанияларига нисбатан чекловлар жорий этган.
Хусусан, Хитой Тижорат вазирлиги ушбу компанияларга икки мақсадли товарлар экспортини тақиқлаган.
Санкцияга учраган етти компаниядан тўрттаси Чехияга тегишли экани қайд этилган.
Вазирнинг сўзларига кўра, Хитой бундай чораларни аввал ҳам қўллаган ва Тайван қурол харидини турли манбалар орқали давом эттиради.
Маълумот учун, Тайван асосан ҳарбий техникани АҚШдан сотиб олади, бироқ сўнгги йилларда Марказий ва Шарқий Европа давлатлари билан ҳам ҳамкорлик кенгайиб бормоқда.
Изоҳлар 0
…