АҚШнинг Эрондаги ҳарбий ҳаракатлари учун сарфланган маблағ 25 миллиард долларга етгани маълум қилинди. Бу ҳақда Пентагон вакили Жюлс Херст Конгресснинг Қуролли кучлар қўмитасида сўзга чиқиб маълум қилди.
Унинг таъкидлашича, ушбу маблағларнинг асосий қисми ўқ-дорилар харидига сарфланган. Бироқ ҳисоб-китоб таркибига қайси харажатлар киритилгани тўлиқ очиқланмаган.
Хусусан, ҳарбий базаларни тиклаш ва таъмирлаш билан боғлиқ харажатлар ушбу суммага киритилган-критилмагани аниқ эмас. Маълумотларга кўра, АҚШ ва Исроил 28 февраль куни Эронга қарши ҳарбий амалиётни бошлаган.
Ҳозирда томонлар ўртасида ўт очишни тўхтатиш режими амал қилмоқда. Шу билан бирга, АҚШ Яқин Шарққа қўшимча ҳарбий кучлар ва авиаташувчи гуруҳлар юборгани қайд этилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
