АҚШ президенти Доналд Трамп Россия етакчиси Владимир Путин билан бўлиб ўтган мулоқотидан сўнг Украина можароси юзасидан кескин баёнотлар берди.
Трампнинг таъкидлашича, у Украинадаги вазиятни “ҳарбий жиҳатдан аллақачон ютқазилган” деб баҳолайди. Унга кўра, можарони давом эттиришдан кўра, дипломатик йўл билан тезроқ ечим топиш муҳимроқ.
“Менимча, Путин бу масалада муросага келишни хоҳлайди. Бу ижобий сигнал. Мен унга сулҳ таклиф қилдим ва у бунга тайёр кўринади”, — дея билдириб ўтган Трамп.
Шунингдек, у Россия томони аввалроқ ҳам келишувга яқин бўлганини, бироқ айрим кучлар бу жараённи тўхтатганини иддао қилди. Трамп кимларни назарда тутаётганига аниқлик киритмаган бўлса-да, “баъзи томонлар” тинчлик музокараларига тўсқинлик қилганини айтиб ўтди.
Президентнинг фикрича, Украина можароси ҳатто Яқин Шарқдаги эҳтимолий кескинликлардан ҳам олдин якунланиши мумкин. У урушни имкон қадар тезроқ тугатиш зарурлигини урғулаб, дипломатия ва музокараларга устувор аҳамият бериш кераклигини қайд этди.
Кузатувчилар эса бу баёнотлар халқаро сиёсий майдонда турли мунозараларга сабаб бўлиши мумкинлигини таъкидлашмоқда.
“Zamin”ни Telegram'да ўқинг!
