Ҳўрмуз бўғози яқинида кемаларга қилинган ҳужумлар кескинликни кучайтирмоқда
Ҳўрмуз бўғози яқинида савдо кемаларига икки марта ҳужум қилинди, бу эса минтақадаги кескинликни оширмоқда. Биринчи ҳужумда танкерга снарядлар келиб тушган, иккинчиси эса Эроннинг Сирик шаҳри яқинида содир бўлган. Ҳар икки ҳолатда экипаж аъзолари зарар кўрмаган. Эрон бу ҳаракатларни сулҳга хилоф деб баҳоламоқда.
Ҳўрмуз бўғози яқинида савдо кемаларига нисбатан икки марта ҳужум содир этилди. Бу ҳақда Буюк Британиянинг Денгиз савдо амалиётлари бошқармаси (UKMTO) маълум қилди.
Биринчи ҳолатда танкерга номаълум снарядлар келиб тушгани қайд этилган. Ҳодиса БААдан тахминан 78 денгиз мили шимолда юз берган.
Иккинчи ҳолатда эса Эроннинг Сирик шаҳри яқинида бир нечта кичик қайиқлар юк кемасига ҳужум қилган. Маълум қилинишича, бу жой ҳодиса содир бўлган нуқтадан 11 денгиз мили узоқликда жойлашган.
Ҳар икки ҳолатда ҳам экипаж аъзоларига зарар етмагани таъкидланган.
Аввалроқ Дональд Трамп савдо кемаларини бўғоздан олиб чиқиш бўйича операция бошланганини эълон қилган эди.
Эрон эса бундай ҳаракатларни сулҳга хилоф деб баҳолашини маълум қилган.
Изоҳлар 0
…