Мисрнинг Танта шаҳрида учинчи портлаш содир этилди

Мисрнинг коптлар черковида портлаш содир этилган Танта шаҳрида яна бир теракт уюштирилди. Бу ҳақда «Известия»га таяниб "Дарё.уз" хабар бермоқда.
Шаҳардаги полициячилар тайёрлаш марказида портлаш содир этилган. ОАВга кўра, ҳужум оқибатида полициячи ҳалок бўлди.

Ҳуқуқ-тартибот идоралари ходимлари портлашда гумон қилинаётган шахсни қўлга олишга муваффақ бўлди. У ҳозир полиция бошқармасида сўроқ қилинаётгани билдирилмоқда.

Эслатиб ўтамиз, олдинроқ Александрия шаҳридаги черков яқинида иккинчи портлаш содир этилгани маълум қилинганди. «Замин»ни Telegram’да ўқинг!