АҚШ президенти Дональд Трамп Вашингтоннинг келишув бўйича таклифларига Эрон томонидан жавоб яқин соатларда келиши мумкинлигини билдирди.
У бу ҳақда Оқ уйда ўтказилган матбуот анжуманида маълум қилди. Трампнинг сўзларига кўра, Эрондан жавоб хатини бугун кечқурун олиши кутилмоқда.
“Мен бугун кечқурун хат оламан. Кейин қандай бўлишини кўрамиз”, — деди АҚШ президенти журналистларга.
Аввалроқ Эрон Ташқи ишлар вазирлиги вакили Эсмаил Багаий ҳам бу мавзуда баёнот берган эди.
У Tasnim агентлигига берган интервьюсида Теҳрон ҳозирча АҚШнинг келишув бўйича таклифларига расмий жавоб тақдим этмаганини айтган.
Ҳозирча музокараларнинг мазмуни ва эҳтимолий келишув шартлари ҳақида қўшимча маълумот берилмаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
