АҚШда полициячилар Трамп номига таҳдидли хабар юборган қуролланган кишини изламоқда

  • 10 апрель 2017, 12:28
  • 4 316
  • Дунё
  • АҚШда полициячилар Трамп номига таҳдидли хабар юборган қуролланган кишини изламоқда
    Висконсин штатининг 150 га яқин ҳуқуқ-тартибот хизмати ходимлари ўқотар қуроллар дўконига ўғирликка тушган ҳамда Оқ уй маъмурияти почтасига АҚШ президенти Дональд Трамп номига таҳдидли маълумотлар жамланган ҳужжат юборган шахсни қидирмоқда, деб хабар қилди «ТАСС»га асосланиб "Дарё.уз" нашри.

    Қидирувдаги эркакнинг шахси бир нечта жойдаги ташқи кузатув камералари орқали аниқланган. У 32 ёшли Жозеф Якубовски. «Ушбу шахсни излашга 150 га яқин маҳаллий ва федерал даражадаги ҳуқуқ-тартибот ходимлари жалб қилинган», — дейди Рок округ полицияси вакили Трой Кнудсон.

    Маълумотга кўра, Якубовски катта миқдорда ўқотар қуроллар, винтовкаларни ўғирлаб, машинасини ёқиб юборган ва яширинишга муваффақ бўлган.

    Кнудсоннинг айтишича, Оқ уй почтасига қидирувдаги шахсдан хабар келган. Якубовски хабарда ўзининг ҳокимиятдан норозилигини билдирган.

    Маҳаллий ФҚБ идораси қидирувдаги эркакни тутишда ёрдам кўрсатганга 10 минг доллар мукофот пули белгиланганини эълон қилди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » АҚШда полициячилар Трамп номига таҳдидли хабар юборган қуролланган кишини изламоқда