Россия Қирғизистоннинг 240 млн долларлик қарзини кечиб юборди

Россия бош вазири Дмитрий Медведев Қирғизистонга кредитлар бўйича молиявий талабларни тартибга солиш бўйича келишувни маъқуллади.

Маълум қилинишича, тегишли ҳужжат ҳуқуқий ахборот порталида жойлаштирилган.

Ҳужжатда "2017 йил 30 мартига кўра, Қирғизистоннинг Россия олдидаги қарзи 240 млн долларни ташкил қилиши" айтилган.

Таъкидланишича, бу сумманинг 100 фоизи бир вақтнинг ўзида кечиб юборилиши керак.

Қарзнинг ҳисобдан чиқарилиши Россиянинг Қирғизистон ривожланишига ёрдам кўрсатиши доирасида амалга оширилмоқда. «Замин»ни Telegram’да ўқинг!