Францияда музейдан миллион евролик экспонатлар ўғирлаб кетилди

Франциянинг Лион шаҳридаги тасвирий санъат музейи Фурвьер тунаб кетилди. Музейдан ўғирлаб кетилган экспонатларнинг қиймати бир миллион еврога баҳоланган, деб ёзади Kun.uz нашри.

Жиноятчилар музейнинг асосий экспонати – Дева Мария тожини (тиара) ўғирлашган. Ушбу зеб-зийнат 1 минг 791 та қимматбаҳо тош билан безалган. Шунингдек, бошқа қимматбаҳо буюмлар ҳам йўқолган.

Маҳаллий полициянинг маълум қилишича, ўғрилар музейга 13 май куни соат 03:30 ларда киришган. Терговчиларнинг фикрича, ўғрилар яхши тайёрланган ва жиҳозланган бўлган. Улар пухта ўйланган режа асосида ҳаракат қилишган.

Ҳозир музей вақтинчалик ёпиб қўйилди, деб хабар бермоқда France 3 телеканали. «Замин»ни Telegram’да ўқинг!