Йўқолган эркак ўзини қидираётган гуруҳга қўшилди

Туркияда ғайриоддий воқеа юз берди. 50 ёшли Бейҳан Мутлу дўстлари билан спиртли ичимлик истеъмол қилганидан сўнг ўрмонга кетиб, бир муддат алоқага чиқмай қолган. Шундан кейин яқинлари унинг йўқолганидан хавотирланиб, тегишли хизматларга хабар берган.

Бурса вилоятининг Инеғўл туманида эркакни топиш учун қутқарувчилар ва кўнгиллилардан иборат қидирув гуруҳи тузилган. Мутлу эса бу пайтда ўрмонда бўлган ва тасодифан қидирув гуруҳига дуч келган.

У вазиятни тушунмай, қутқарувчиларга қўшилиб, йўқолган одамни излашда уларга ёрдам бера бошлаган. Шу тариқа у бир муддат ўзини ўзи қидирган.

Вазият қидирувчилар унинг исмини — «Бейҳан Мутлу» деб баланд овозда чақира бошлаганида ойдинлашган. Шунда эркак ҳайрон бўлиб, ўзи қидирилаётганини англаб, «Бу менман», дея жавоб берган.

Кейинчалик Мутлу воқеа ҳақида гапириб, қидирув гуруҳи йўқолган бошқа одамни излаяпти, деб ўйлаб, уларга қўшилганини айтган. Расмийлар унинг баёнотини олиб, эркакни уйига олиб боришган.