Қозоғистонда 72 нафар аскар хотирасига ўрнатилган ёдгорлик вайрон қилинди (видео)

1 дақиқа ўқиш47
Қозоғистонда 72 нафар аскар хотирасига ўрнатилган ёдгорлик вайрон қилинди (видео)

Қозоғистоннинг Тараз шаҳрида Иккинчи жаҳон уруши даврида ҳалок бўлган 72 нафар номаълум аскар дафн этилган жойдаги ёдгорлик вайрон қилинди. Уни бузган шахсларни аниқлаш бўйича қидирув ишлари бошланган. Бу ҳақда Nur.kz хабар берди.

Маълум қилинишича, 18 ноябрь куни ижтимоий тармоқларда Тараз шаҳрининг Қорасув мавзесидаги қабристонда жойлашган ёдгорлик бузилгани ҳақида хабарлар тарқалган. Ушбу ҳудудда уруш йилларида эвакуация госпиталларида олган жароҳатлари оқибатида вафот этган 72 нафар номаълум аскар дафн этилган.

Қайд этилишича, ёдгорлик 2026 йил 15 октябрь куни кенг кўламли таъмирлаш ва ободонлаштириш ишларидан сўнг қайта очилган. Ишлар Тараз шаҳар ҳокимлиги ҳамда Россиянинг Олмаотадаги Бош консуллиги ҳамкорлигида амалга оширилган.

Жамбил вилояти ҳокимлиги воқеани тасдиқлаб, вилоят ҳокими Ербол Қорашўкеев ҳолатни алоҳида назоратга олишни топширганини билдирган. Ёдгорликни қайта тиклаш ишлари ҳам назоратга олинган.

Жамбил вилояти полиция департаменти эса ёдгорликни таҳқирлаш ҳолати юзасидан жиноий иш қўзғатилганини маълум қилган. Айни пайтда ҳуқуқбузарларни аниқлаш ва қўлга олиш бўйича тезкор-қидирув тадбирлари олиб борилмоқда.

20 ноябрь куни ёдгорлик тўлиқ қайта тиклангани ҳақида хабар берилди. Бироқ уни бузган шахсларни аниқлаш бўйича тергов давом этмоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?