Сўнгги бор полициячилар шундай дронлардан бирини қўлга олишди. Дрон хотирасига ўғрилар гуруҳига тегишли Сан-Паулу шаҳрида яшовчи бойваччалардан бирининг уйи ҳақидаги энг керакли маълумотлар жойланибди. Маълум бўлишича, ўғрилар олдин ўзиучар самолётча кўмагида туналиши керак бўлган уйдаги вазиятни ўрганишаркан. Дрон уларга уй эгалари қачон, қай вақт уйдан чиқади ва қай пайт қайтади, оила аъзолари, қоровуллар ва ҳоказоларнинг кўриниши қанақа, уйда ит ё видеокузатув борми, қоровул қўйилганми, ишқилиб барча зарур маълумотларни хотирасига камера ёрдамида ёзиб, видеоёзувни тақдим этади. Полициячилар худди шундай видеоёзув ёрдамида ўғриларнинг изига тушишди ва оқибатда қўлга олишди.
Расмий маълумотларда айтиладики, бразилиялик киссавур ва қароқчилар дронлардан 2014 йилданоқ фойдалана бошлашган. Илк ҳодиса Сан-Паулу шаҳрида содир бўлган. Номаълум кимсалар шаҳардаги турма камерасига дрон кўмагида наркотик моддалар, сим карталар, телефонлар ва пулларни етказиб берган. Шу воқеадан сўнг дронлардан ўғирлик мақсадларида фойдаланиш билан боғлиқ жиноятлар урчиб кетди.
Маҳаллий наркобаронлар ҳам ўзиучар самолётчалардан наркотик савдосида кенг фойдаланади. Масалан, 2017 йил майида шундай наркобаронлардан бири Рио-де-Жанейрода қўлга олинди. У дронни рақобатчиларнинг савдо «точка»ларини разведка қилишга ўргатибди. Разведка давомида самолётча рақобатчилар ким билан нима ҳақида гаплашди, ким наркотикка қанча буюртма берди, бу аслида ким, қачон учрашишга келишишди… Хуллас, батафсил маълумотни видеоёзув кўринишида эгасига тақдим этган. Аммо жиноятчи узоққа бора олмади. Уни қўлга олишди.
Ҳукумат раҳбарлари, полиция, хавфсизлик хизмати вакиллари ҳам анойи эмас. Шу йил июнидан дронларга эга фуқаролар учун тегишли меъёрлар ҳақида қарор қабул қилинди. Бунга кўра, дронлари 250 граммдан ортиқ фуқаро махсус сайт орқали назоратдан ўтади. Сайт уни барча маълумотлар билан рўйхатга олади. Албатта, ўзиучар самолёт ҳам расмий жиҳатдан рўйхатга олинади.
Манба: hordiq.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пашинян Арманистоннинг Мустақиллик декларацияни энг катта муаммо ва фожиа деб атади
Боррел ЕИнинг Исроил билан мулоқотини тўхтатишни таклиф қилди
НАТО бош котиби Украинанинг фронтдаги аҳволи ёмонлашганини тан олди
Кремль Украина бўйича музокарада шартлар қўйишга уринмоқда
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
АҚШ Исроилнинг икки вазирига санкция қўлламоқчи
Россия армияси Купянскка киргани айтилмоқда
