Шри-Ланкада тимсоҳ британиялик журналистни ғажиб ташлади

The Financial Times нашрида ишлаган британиялик журналист Пол МакКлин Шри-Ланкада тимсоҳ ўлжасига айланди. Бу ҳақда «New York Post»га таяниб «Дарё» хабар берди.

Оксфорд университетининг 25 ёшли битирувчиси дўстлари билан таътилда эди. У қўлини ювиш учун яқин атрофдаги кўл томон узоқлашган. Дастлабки маълумотларга кўра, МакКлин қўлларини сувга туширганда тимсоҳ уни тутиб олган.

Гувоҳларнинг сўзларига кўра, улар қўл-оёқларини силкитаётган эркакни судралиб юрувчи сув остига тортиб кетганлигини кўрган.

Журналист сёрфингчилар орасида машҳур пляж яқинидаги Элефант-Рок кўлида ғойиб бўлган. Қутқарувчилар британияликнинг жасадини қидирмоқда. «Замин»ни Telegram’да ўқинг!