Қирғизистон Республикаси президенти Алмазбек Атамбоев 7 октябрь куни ўтказилган давлат мукофотларини тантанали топшириш маросимида яна бир бор қўшни Қозоғистон мамлакати ва президент Нурсултон Назарбоев фаолиятини танқид қилди. Мамлакат раҳбари расмий Остонани 15 октябрь куни Қирғизистонда ўтказиладиган президентлик сайловлари жараёнига аралашишда айблаган. Ўз ўрнида Қозоғистон ТИВ расмий баёнот ва протест хати билан чиқиб, «президентнинг ушбу сўзлари йўл қўйиб бўлмас» ҳақоратга айланиб бораётганини билдирди.
Бу воқеалар ривожини кузатиб бораётган қозоқ-қирғиз зиёлилар жамияти ҳам ижтимоий тармоқларда ўз фикрини билдириб бормоқда. Масалан, машҳур қозоғистонлик блоггер Улан Шамшет «ҳеч бўлмаганда, қирғизларда «сайлов»лар бор»лигини таъкидлаган. Шунингдек, у Алмазбек Атамбоевнинг сўзларида, қанчадир миқдорда ҳақиқат борлигига шубҳа қилмаслигини ёзади.
Муҳокама майдонига Олмаота шаҳрида жойлашган Халқаро бизнес академияси профессори Валихон Тулешов ҳам қўшилди.
«Атамбоевнинг нутқига эътибор қилсак, унда икки президент ўртасида шахсий муносабатлардаги дарз кетишларга гувоҳ бўламиз. Алмазбек учун Назарбоев 1989 йилдан бери юқори лавозимни эгаллаб ўтирган амалдор, Нурсултоннинг қараши бўйича Атамбоев Қирғизистоннинг у кўрган тўртинчи президенти ҳисобланади», дейди у.
Қозоғистонлик сиёсатшунос Марат Шибутов Атамбоев сўнгги икки йил давомида ўзини эркин тутаётгани, хоҳлаганча айбловларни эълон қилаётганига урғу қаратган. «Бу эса халқаро муносабатлар майдонида ижобий вазиятни яратмайди», деган у.
«У сайловдан кейинги вазиятдан хавотирда бўлиши тайин: Атамбоевнинг жиноий жавобгарликка тортилиб кетиши ҳеч гап эмас. Шунинг учун, президентликка номзодини қўйган Сооронбай Жеэнбековни қўллаб-қувватлаш фонида бошқа номзодларни обрўсизлантиришга уринмоқда», деган Шибутов.
Эслатиб ўтамиз, сўнгги икки йил давомида Қирғизистон Республикаси президенти ҳақиқий дипломатларга хос бўлган ахлоқ қоидаларидан йироқлашиб, 4 марта қўпол нутқ одобини намойиш этганди. Шунингдек, Нурсултон Назарбоевнинг президентликка номзод Бабанов билан учрашгани унинг кейинги танқидларига сабаб бўлмоқда.
Манба: Kun.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Рақобат қўмитаси биржада Аи-80 бензини бошланғич нархига чеклов ўрнатди
Чет эл валюталарининг ўзбек сўмига нисбатан янги қийматлари эълон қилинди
Сирдарёда ЙТҲ содир этган ҳайдовчидан пул олган ЙПХ ходими қамалди
