Нигерия шимолида худкуш ҳужуми оқибатида 13 киши ҳалок бўлди

Нигерия шимолида жойлашган Майдугури шаҳрида террорчи-худкуш амалга оширган ҳужум оқибатида 13 киши ҳалок бўлди. Бу ҳақда Reuters ахборот агентлигига таяниб Кун.уз хабар бермоқда.

Яна 5 киши яраланган. Маълум қилинишича, теракт содир этилган ҳудудда "Боко Ҳаром" террорчилик гуруҳи таъқибидан яширинган қочқинлар лагери жойлашган бўлган. Бу ҳужум охирги ойда содир этилган энг йирик теракт бўлди.

Аввалги йирик теракт ҳам Майдугурида августда содир этилган. Ўшанда аёл худкуш ўзини бозорда портлатиши оқибатида камида 27 киши ҳалок бўлганди. «Замин»ни Telegram’да ўқинг!