Фото: Европадаги биринчи сувости ресторани

Норвегиянинг Snohetta архитектура фирмаси Under номли сувости ресторанининг қурилишини маълум қилди. У бу типда қуриладиган Европадаги биринчи ресторан бўлади, деб ёзмоқда Daryo.uz.

Энг ўзгарувчан об-ҳаво шароитлари ҳисобга олиб қуриладиган бетон конструкция панорамали ойнага эга бўлади. Ресторанга ташриф буюрувчилар ойнадан сувни ва денгиз жонзотларини томоша қилиши мумкин бўлади. Муассасада меҳмонларни қабул қилувчи учта қават режалаштирилган.

Ресторанга кириш жойи қирғоққа жойлаштирилади, меҳмонлар бетон қувур бўйлаб пастга тушишига тўғри келади.


Рестораннинг иш вақтидан ташқари вақтларда ундан денгиз биологиясини ўрганувчи олимлар фойдаланиши мумкин бўлади.

Қурилиш ишларини Норвегия қирғоқларининг энг жанубий нуқтасида 2018 йилнинг февраль ойида бошлаб, 2019 йилнинг бошига тугатиш режалаштирилган. «Замин»ни Telegram’да ўқинг!