10:03 / 30.10.2017
5 992

Қатар амири ўз мамлакати билан боғлиқ можаро сабабини айтди

Қатар амири ўз мамлакати билан боғлиқ можаро сабабини айтди
Форс кўрфази давлатлари Қатар билан унинг мустақил позицияси туфайли зиддиятга боришди ҳамда мамлакатдаги режимни ўзгартириш ҳаракатидалар, бироқ Қатар можарога ечим топилишини истаса ҳам, ўз мустақиллигидан ҳеч қачон воз кечмайди, дея маълум қилди Қатар амири Тамим бин Ҳамад Ал Таний.

"Уларга мустақил эканимиз, минтақанинг ривожланиши бўйича қарашларимиз ёқмайди", - дея айтиб ўтди у АҚШнинг CBS каналидаги “60 дақиқа” дастури давомида берган интервьюсида.

Унинг сўзларига кўра, рақибларга, хусусан, демократияга интилиш, Қатар “Ал Жазира” телеканалини қўллаб-қувватлаши ёқмайди. "Лекин биз “Ал Жазира”ни ёпмаймиз... Биз Форс кўрфази давлатлари билан юзага келган бу зиддият тугашини истаймиз, жуда ҳам истаймиз, бироқ ўз мустақиллигимиздан воз кечмаймиз", - дея айтиб ўтди у.

Ал Таний Форс кўрфази мамлакатлари Қатарда режимни алмаштиришни исташмоқдами, деган саволга шундай жавоб берди: "Ҳа, улар режимни ўзгартиришни хоҳлашмоқда".

Манба: Kun.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Қатар амири ўз мамлакати билан боғлиқ можаро сабабини айтди